మస్కట్ గవర్నరేట్‌లోని ఓ ఇంటిపై అధికారులు సోదాలు నిర్వహించారు. ఈ సందర్భంగా కొందరు వలస కార్మికులు నిబంధనలకు విరుద్ధంగా మాంసాన్ని స్టోర్ చేస్తున్నట్లు గుర్తించారు అధికారులు. సరైన పరిశుభ్రత లేకుండా వలస కార్మికులు మాంసాన్ని నిల్వ చేస్తున్నారని అధికారులు తెలిపారు. ఈ మేరకు మస్కట్ మునిసిపాలిటీ ఓ ప్రకటన విడుదల చేసింది. నిందితులను అదుపులోకి తీసుకోవడం జరిగిందనీ, వారిపై చట్టపరమైన చర్యలు తీసుకోవడం జరుగుతుందని అథారిటీ పేర్కొంది.